Frå kald borgarkrig til illiberal dominans

Ved inngangen av 2018 kom den rumenske statsvitaren Valentin Naumescu med sine spådomar for året. Han meiner me i år vil sjå at eksisterande skiljeliner innan internasjonal politikk vert djupare, at spenningar vert verre og at me står ovanfor ei ny vending i historia. Han spår polarisering, både internasjonalt, i USA, i Europa og i sitt eige heimland.

Han spår også at illiberale nasjonalistar vil gjera nye framsteg i sentral-Europa, og at kløfta mellom aust og vest på vårt eige kontinent vil verta djupare, eit resultat av både økonomisk ulikskap og av ulik politisk kultur.

Naumescu peiker på Ungarn, og på moglegheita for at Viktor Orbán på ny vert valvinnar, og i endå ein runde vert statsminister for landet. «Det vil vera eit teikn på at meiningane hans stadig har folkeleg støtte, og på at det i Ungarn ikkje finst noko liberalt alternativ med tilstrekkeleg truverde», skriv han.